Дунё аэропортларидаги энг яхши меҳмонхоналар маълум қилинди

Журналистлар дунё аэропортларидаги энг яхши меҳмонхоналар рейтингини тузди ва тўлиқ рўйхатни The Sun журналида чоп этди.

Биринчи ўринни Сингапурнинг Чанги авиабандаргоҳи эгаллади. У очиқ бассейн мавжуд бўлган дунёдаги ягона транзит меҳмонхона. Унинг олдида бар ва жакузи жойлашган. Меҳмонхонадаги хоналар деразаси очилганда шундоқ аэропортнинг учиб-қўниш йўлаги кўриниб туради.

Иккинчи ўринни журналистлар Лондоннинг Stansted аэропортидаги Radisson Blu Stansted меҳмонхонасига берди. Унинг асосий ўзига хос жиҳати Angel’s Wine Tower Bar вино бари ҳисобланади. Унинг иморатида тўрт мингдан ортиқ бутилкалар жойлашган. Буюртмани эса «вино фариштаси» — акробат–официант келтиради.

Учинчи ўринни Кеннеди номидаги Нью-Йорк аэропортида жойлашган TWA Hotel меҳмонхонаси эгаллади. У TWA авикомпанияси собиқ терминалининг очиқ реконструкцияланган биносида жойлашган. Бассейндан учиб-қўниш йўлаги кўриниб туради. Меҳмонхонанинг ўзи эса «саёҳатлар олтин асри» услубида қурилган.

Рўйхатнинг қолган қисмида Канаданинг Ванкуверидаги Vancouver Airport Hotel, Германиянинг Мюнхен шаҳридаги Hilton Munich Airport Hotel, АҚШнинг Майами штатидаги Pullman Miami Airport Hotel, АҚШнинг Orlando штатидаги Hyatt Regency Orlando International Airport, Фарер оролларидаги Hotel Vagar меҳмонхоналари ўрин олган.