Россияда энг йирик ифтор оқшомларидан бири икки йиллик танаффусдан сўнг «Қозон-арена» стадионида бўлиб ўтади ва унда 15 минг рўзадор меҳмон қилинади. Бу ҳақда Татаристон муфтийси Комил Самигуллин маълум қилди.
«Республика ифтори 25 май куни еттинчи марта бўлиб ўтади. Биз 15 минг нафар рўзадорни меҳмон қилиш ниятидамиз. Уларнинг барчаси дастурхон атрофида ифторликда. Бизда бунақаси ҳали бўлмаган», — деди Самигуллин.
Анъанавий равишда ифторда кўп болали ва кам таъминланган оилалар, соғлиқ борасида имконият чекланган одамлар иштирок этади. Шу билан бирга, ифторга турли даражадаги раҳбарлар, жамоатчилик ва диний ташкилот вакиллари, Эрон, Туркия ва Қозоғистоннинг бош консуллари иштирок этади.
Меҳмонлар жонли ижрода нашида ва муножотлардан баҳраманд бўлади. Ифтор дастурида машҳур татар диний арбобларининг ваъзлари ва футбол майдонида очиқ осмон остида жамоат намози кўзда тутилган.
Изоҳ (0)