АҚШ Савдо вазири Huawei’га мамлакатда чекланган фаолият олиб бориши учун 90 кунга лицензия берди. TJournal’нинг хабар беришича, компания АҚШда фойдаланиладиган ўз мобил қурилмаларига янгилашларни тақдим этиши мумкин.
Лицензия компанияга қурилмаларга хизмат кўрсатиш, жумладан смартфонларнинг дастурий таъминотини янгилаш имконини беради. Компания, шунингдек, тармоқлар ва телекоммуникация ускуналарига хизмат кўрсатиши ҳам мумкин.
Лицензия муддати 2019 йилнинг 19 августида тугайдим, шундан сўнг АҚШ Савдо вазирлиги унинг муддатини узайтириш ёки узайтирмаслик масаласини кўриб чиқади.
Вақтинчалик лицензия компанияга чора кўриши учун вақт беради. Вазирликка эса ўз хизматида Huawei қурилмаларидан фойдаланувчи америкалик ва хорижлик провайдерларга таъсир кўрсатувчи узоқ муддатли чораларни белгилашда бир тўхтамга келиш имконини беради.
Huawei асосчиси Жен Чженфей АҚШнинг бундай йўл тутиши компания фаолиятига таъсир кўрсатмаслигини, улар бундай бўлишига анча олдин тайёргарлик кўрганини айтган.
«АҚШ ҳукумати бизнинг имкониятларимизга муносиб баҳо бермаяпти», — деган у.
Эслатиб ўтамиз, АҚШ савдо вазирлиги 16 май куни Huawei ва у билан боғлиқ бўлган 70 та фирмаларни «қор рўйхат»га киритишга қарор қилган эди. Бундан сўнг компания АҚШ розилигисиз америкалик ишлаб чиқарувчиларнинг компонетлари ва технологияларини сотиб ололмайди.
Google эса 19 май куни Huawei билан ускуналар ва дастурий таъминот соҳасидаги лицензияланган ишларни тақдим этиш бўйича ҳамкорликни тўхтатди. Google’дан сўнг Intel, Qualcomm, Xilinx ва Broadcom чип ишлаб чиқарувчилар ўз ходимларига Huawei’га зарур компонентларни етказиб бермаслини маълум қилди.
Изоҳ (0)