Бразилияда жойлашган Паракату шаҳридаги черковда содир бўлган отишма оқибатида уч киши ҳалок бўлди. Бу ҳақда Globo телеканалига таяниб, «ТАСС» хабар берди.
Аниқлик киритилишича, ўқотар қурол билан қуролланган шахс черковга бостириб кирган ва у ердаги одамларни ўққа тута бошлаган. Оқибатда роҳибнинг отаси билан икки нафар фуқаро ҳалок бўлди. Гувоҳларнинг сўзларига қараганда ҳужум уюштирган шахс роҳибни ўлдирмоқчи бўлган, бироқ у қочиб кетишга муваффақ бўлган. Воқеа жойига етиб келган полициячилар жиноятчига қарата ўқ очишга мажбур бўлган. Шундан сўнг у оғир аҳволда шифохонага етказилган.
Дастлабки маълумотларга кўра, нохуш ҳодиса рашк туфайли юзага келган.
Черков ходими жиноятчи билан яқиндан таниш бўлган аёлни ўзига тўртинчи хотин қилиб олган. Аёл ҳам ўша куннинг ўзида жиноятчи томонидан пичоқ орқали уриб ўлдирилган.
Изоҳ (0)