Ереван шаҳар Умумий юрисдиксия суди 2008 йилги президентлик сайловларидан кейин намойишчиларни тарқатиб юборишда айбланган собиқ Арманистон президенти Роберт Кочарянни озод қилди. Бу ҳақда Meduza хабар берди.
Кочарян тан олинмаган Тоғли-Қорабоғ республикасининг амалдаги раҳбари Бақо Саакян ва собиқ раҳбари Аркадий Гукасяннинг гарови сабаб озод қилинди. Улар Арманистоннинг собиқ президенти озодликка чиқиши учун бир миллион драм (икки минг доллардан кўпроқ) гаров пули берди.
Кочарян иши бўйича прокурорлар суд қарорига эътироз билдирмоқчи.
Арманистоннинг собиқ президенти 2018 йил июль ойида намойишларни тарқатиб юборишда биринчи марта ҳибсга олинган. Бир ой ўтгач, у қамоқдан озод этилган, чунки апелляция суди Кочаряннинг собиқ давлат раҳбари сифатида иммунитетига эга эканлигини кўрсатган. Бироқ 2018 йилнинг декабрида у яна қўлга олинган. Апрель ойи охирида Арманистон Бош прокуратураси Кочарян иши бўйича айблов хулосасини тасдиқлаган; 13 май куни иш суд томонидан кўриб чиқила бошланган.
Роберт Кочарян 1998 йилдан 2008 йилгача Арманистон президенти лавозимида фаолият кўрсатган.
Изоҳ (0)