Тошкент шаҳридаги Турин политехника университетида Италия университети билан ҳамкорликда докторантлар тайёрланади. Бу ҳақда Олий ва ўрта махсус таълим вазирлиги маълум қилди.
Италиянинг Турин политехника университети ректори Гуидо Саракко бошчилигидаги делегациянинг Тошкент шаҳридаги Турин политехника университети 10 йиллигига бағишланган тадбирга ташрифи доирасида бу борада келишувга эришилди.
Politecnico di Torino ва ТТПУ ўртасида имзоланган халқаро академик ташаббусларни амалга ошириш бўйича ҳамкорлик меморандумига кўра докторлик имтиҳонига номзодлар биргаликда тайёрланади.
Шартномани амалга ошириш учун биргаликда докторлик қўмитаси тузилиб, қўмита докторлик дастурига кирадиган номзодларнинг илмий фаолиятини баҳолайди, таълимнинг уч йиллик даврида уларнинг ўсишини мониторинг ҳамда таҳлил қилади.
Қўмита ҳар йили рўйхатга олинадиган номзодлар сонини белгилайди, шартномани янгилаш бўйича таклифлар беради ҳамда докторантларнинг Италия ва Ўзбекистон қонунчилигига риоя этишларини назорат қилади.
Изоҳ (0)