2013 йил 6 октябрда Хоразм вилояти Урганч шаҳрида туғилган Шаҳзодбек Давлатовга 2018 йилда пойтахтда жойлашган Гематология марказидаги шифокорлар томонидан ўткир лимфобластли лейкоз, В2-тури, 1-фаол даври (оққон) ташхиси қўйилган.
Беғубор болаликнинг энг ширин дамларини Шаҳзодбек оғир дард билан ўтказмоқда.
«Фарзандим Шаҳзодбекни 2018 йил 1 мартидан бери бетоблиги сабаб шифохоналарда даволатиб келяпман. Ўзим аслида, Хоразм вилоятининг Хива туманидан бўламан. Урганчдаги болалар шифохонасининг лор бўлимида текширишиб, фарзандингиз томоғидан биронхит бўлган деб фарзандимга нотўғри ташхис қўйиб, уни операция қилишди.
Фарзандим бу операциядан сўнг бир муддат ҳушига келолмади. У шифохонада бир ҳафта давомида даволанишига қарамай, соғлиғида ижобий ўзгаришлар бўлмади. Тана ҳарорати 40 дан бир муддат тушмади.
Шундан кейин Урганчдаги Гематология бўлимида 2018 йил 7 март куни таҳлил топширдик. Таҳлил натижалари шу кунни ўзида чиқди. Шифокорлардан фарзандимда оққон касаллиги аломатлари борлигини эшитиб, ўзимни йўқотиб қўйдим. Бир ҳафта Урганчдаги Гематология бўлимида даволатиб, қон ва плазма қуйдирдик.
Бироз ўзига келгач, 2018 йил 13 март куни Тошкентдаги Гематология марказига олиб келдик. Бу марказда фарзандимдан олинган таҳлилларунинг оққон касаллигига чалинганлигини тасдиқлади. Бир йилдан ортиқроқ пайтдан бери даволаниш муолажаларини олиб келмоқда.
Орзулари осмон ўғлимизни, кўзимизнинг оқ-у қораси Шахзодбек. Бор кучимиз билан ҳаракат қиляпмиз. Лекин бу касалликнинг даволаниши узоқ муддатли ва дорилари қиммат бўлгани сабабли моддий таминотдан катта миқдорда пул кетар экан. Бу узлуксиз даволанишлар, химиятерапиялар боламизни ҳам, бизни ҳам жуда чарчатиб қўйди», — дейди Шаҳзодбекнинг онаси.
Дорилари жуда хам қимматлиги, оилани 40 миллион сўмдан ортиқ бўлган қарздорликлари сабаб курсларни давом эттиришга, дориларни олиб беришга ва ижара ҳақини тўлашга онаси Дилрабо Юнусованинг имконияти етмай қолган. Оиланинг қариндош-танишлардан олинган қарзларини миқдори кўплиги сабаб оиланинг тинчи бузилган. Дилрабо опанинг турмуш ўртоғининг ҳам саломатлиги яхши эмас. Унинг оёғида варикоз касаллиги борлиги сабаб, оғир ишларга ярамайди.
Ҳозирда она-бола Тошкент шаҳрида ижара уйда яшайди. Дилрабо опа фарзандининг даволаниш харажатларидан ташқари ҳар ой ижара учун 150 АҚШ доллари тўлашга мажбур. Ҳар ой ижарага ва Шаҳзодбекнинг даволаниши учун маблағ етишмай қоляпти.
Шу боис Шаҳзодбекнинг оиласи айни вақтда моддий кўмакка муҳтож. Бир олам орзулар билан ҳаёт учун курашаётган Шаҳзодбекдан холис ёрдамингизни аяманг! Унга имкон қадар холис моддий томондан ёрдам берайлик!
Саховатпеша юртдошларимиздан имкон қадар Шаҳзодбекни соғайишида холис моддий ёрдам беришларини сўраб қоламиз.
Хайрия қилмоқчи бўлганлар учун керакли маълумотлар:
Пластик карта орқали: (Click, Payme)
Онаси Юнусова Дилрабо номига очилган.
Миллий банк: 8600 0207 8206 4963
Миллий банкнинг Урганч бўлимида Юнусова Дилрабо номига очилган рекзивитлари:
МФО: 00547 ИНН: 200900014 Омонат ҳисоб рақами: 22618000 99009 3499003
Корхона-ташкилотлардан келиб тушган маблағлар транзити: 2312 0000 200000 547001
Изоҳ (0)