Ўзбекистонда умумтаълим, ўрта махсус, касб-ҳунар таълими муассасалари ўқувчилари ўртасида «Ёш ёнғин ўчирувчи» ва «Ўзбекистон Республикаси чемпионати» мусобақалари ўтказилиб келинмоқда, деб хабар беради Ўзбекистон Республикаси ФВВ ЁХББ матбуот хизмати.
Фото: Ўзбекистон Республикаси ФВВ ЁХББ матбуот хизматиУшбу мусобақаларни ўтказиб келиниши билан, ўқувчиларни ёнғин ўчирувчи касбига қизиқтириш, ушбу йўналишда тарғибот-ташвиқот ишларини кенг кўламда олиб борилишини таъминлаш, ўқувчиларни ёнғин хавфсизлиги бўйича амалий кўникмалари ҳамда жисмоний тайёргарлигини ошириш, ёнғин хавфсизлиги хизматига муносиб, жисмонан соғлом ва жасур ўсмирларни тайёрлашда, ёнғин чоғида тўғри ҳаракат қила билиш кўникмалари ва маҳоратини мустаҳкамлашда катта аҳамиятга эга.
Фото: Ўзбекистон Республикаси ФВВ ЁХББ матбуот хизмати Мазкур мусобақанинг биринчи босқичи жорий йилнинг 1—15 апрель кунлари туман-шаҳар миқёсида ҳар бир умумтаълим, ўрта махсус, касб-ҳунар таълим муассасалари ўқувчилари ўртасида ўтказилиб, ушбу босқичда ўқувчилар орасидан умум жисмоний тайёргарлик, яъни турникда тортилиш, 100 ҳамда 1000 метрга югуриш турлари бўйича энг яхши натижаларни кўрсатганлар аниқланди. Ғолиб ва совриндорлар диплом ҳамда қимматбаҳо совғалар билан тақдирланиб, туман-шаҳар терма жамоаси шакллантирилди ва иккинчи, яъни вилоят босқичида иштирок этиш учун йўлланма олди.
Фото: Ўзбекистон Республикаси ФВВ ЁХББ матбуот хизматиМусобақанинг иккинчи босқичи жорий йилнинг 1—18 май кунлари назарий шартга кўра иштирокчиларнинг ёнғин хавфсизлиги бўйича билим савиялари тест синовлари асосида ҳамда амалий шартларга кўра «100 метрга тўсиқлар оша югуриш», «Ишғол қилиш нарвонида ўқув минорасига кўтарилиш» ҳамда «Ёнғин ўчирувчилар эстафетаси» турлари бўйича ўтказилиб келинмоқда.
Албатта ушбу босқичда ҳам ғолиб ва совриндорлар медаль, диплом ва эсдалик совғалар билан тақдирланмоқда ҳамда вилоят терма жамоаси шакллантирилиб, учинчи босқичда, яъни республика босқичида иштирок этиш учун йўлланма олади.
Фото: Ўзбекистон Республикаси ФВВ ЁХББ матбуот хизматиСпорт мусобақасининг республика босқичи жорий йилнинг 30 май кунидан - 2 июнь кунига қадар Жиззах шаҳрида ўтказилади. 31 май куни мусобақанинг тантанали очилиш маросими ўтказилиши режалаштирилган.
Ўзбекистон Республикаси Фавқулодда вазиятлар вазирлиги, Жисмоний тарбия ва спорт, Олий ва ўрта махсус таълим, Халқ таълими вазирликлари ҳамда Ёшлар иттифоқи Марказий Кенгашининг раҳбарияти, унда вилоят ҳокимлиги, бошқа жамоатчилик вакиллари иштирок этади.
Ушбу очилиш маросимида ҳуқуқни муҳофаза қилувчи органларнинг ва Фавқулодда вазиятлар вазирлиги куч ва воситаларининг кўргазмали чиқишлари ҳамда таниқли хонандалар томонидан концерт дастури ташкил этилади.
Изоҳ (0)