«Водители Намангана» гуруҳи 9 май—Хотира ва қадрлаш кунига бағишланган махсус акция ўтказди. Бу ҳақда «Дарё»га гуруҳ асосчиси Максим Семаев маълум қилди.
100 та автомобиль, 2 та юк машинаси ва 4 та мотоциклдан иборат ҳамда вилоят ЙҲХБ кузатувидаги колонна уруш йиллари мусиқаси остида Наманган шаҳри кўчаларини кезди.
Акция давомида уруш фахрийлари йўқланди.
Уларга гуруҳ томонидан озиқ-овқат маҳсулотлари, Gross Insurance суғурта компаниясидан эсдалик совғалари, шаҳар тиббиёт бирлашмаси ижтимоий бўлимидан эса санаторийларга йўлланмалар ва ногиронлик аравачаси тақдим этилди.
Қайд этиш жоизки, ушбу акция «Водители Намангана» гуруҳи томонидан қаторасига учинчи йил ўтказиб келинмоқда.
Изоҳ (0)