АҚШнинг Денвер шаҳридан 40 километр нарида жойлашган Хайлендс-Ранч аҳоли пунктидаги мактабда отишма содир бўлди. Маълумотларга кўра, отишма оқибатида камида етти киши жароҳат олган, деб хабар беради NBC телеканали.
Жароҳат олганларнинг тўрт нафарини аҳволи оғир эканлиги айтилмоқда. Мактаб ўқувчиларининг барчаси эвакуация қилинган. Мактабда жами 1850 нафар ўқувчи таҳсил олади.
Отишмани уюштиришда гумонланаётган икки нафар шахс қўлга олинган. Ҳозирда гумонланувчиларнинг учинчисини қидириш ишлари олиб борилмоқда.
Отишма нима сабабдан содир бўлгани ҳозирча номаълум. Кўнгилсиз ҳодисага гувоҳ бўлган ўқувчилардан бирининг отасини айтишича, жиноятчи ўқув хонасига кирган ва пистолетдан ўқ уза бошланган, иккинчи «мерган» эса шу хонада бўлган.
Изоҳ (0)