Қашқадарё вилоятида «Император Николай I» тамғали 10 номинал қийматдаги олтин тангаларни сотаётган шахслар қўлга олинди. Бу ҳақда Бош прокуратура матбуот хизмати хабар берди.
Маълум бўлишича, фуқаролар А.Б., Қ.Д. ва М.Ш. тангаларнинг ҳар бирини 4,2 миллион сўмдан ҳисоблаб, жами 7 дона олтин тангани 29,4 миллион сўмга ноқонуний равишда сотмоқчи бўлган.
Департаментнинг Қашқадарё вилоят бошқармаси томонидан ўтказилган тезкор тадбирда фуқаролар ноқонуний савдо қилаётган вақтда ашёвий далиллар билан қўлга олинган.
Ҳолат юзасидан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.
Изоҳ (0)