Бирлашган Араб Амирликларининг пойтахти Абу-Дабуда 1—2 май кунлари Happy Woman форуми илк маротаба ўтказилди.
Украина, Литва, Озарбайжон, Ўзбекистондан ташриф буюрган аёллар ушбу форумнинг фахрли иштирокчилари ва қаҳрамонлари бўлди. Бизнесда, илм-фанда, санъатда, тиббиётда муваффақиятга эришган, оилада ҳам ўз ўрнини топишга улгурган аёллар бахт формулалари бн ўртоқлашиш учун форумга таклиф этилган.
13 нафар спикер икки кун давом этган форумда иштирок этиб мотивацион нутқларини сўзлаб берди. Ҳаётда доим изланиб, бахтли раҳбар ва бир вақтнинг ўзида бахтли она бўлиш, нафислик, назокатни сақлаб қолиш осон эмас, бироқ имкони бор. Бунга Happy Woman, яъни «Бахтли аёл» форумига йиғилган аёлларни мисол қилиш мумкин. Уларнинг жамиятда ҳам, оилада ҳам, касбларида ҳам ўз ўринлари бор. Улар аёлларга хос эмоционал тушкунликдан қандай чиқиб кетишни яхши билади.
Илк маротаба ташкил этилган форумнинг биринчи қаҳрамони — Ўзбекистон делегацияси вакиласи Марина Сластёна болди. «Сластёна Ивентс» компаниясининг асосчиси ва раҳбари «Орзуни рўёбга чиқариш учун куч ва илҳомни қаердан топиш керак» мавзусида нутқ сўзлади. Сластёна Марина 15 йил ичида мингдан зиёд йирик тадбирларни ташкиллаштиришга улгурган. Масалан, яқиндагина Абу-Дабида бўлиб ўтган Шайх Зайд номидаги Маданий мерослар фестивалида Ўзбекистон номидан ташкилотчи бўлиб ишлаган ва юртимиз 40 дан зиёд давлатлар орасида биринчи ўринни эгаллаган эди.
Ҳар бир аёл бахтли бўлишга ҳақли. Икки кун давом этган қизиқарли форумнинг асосий мақсади ҳам шу эди. Бу борада аёллар бир-бирлари билан эркин мулоқот қилишга эришди. Бу форум ҳар йили яна ҳам каттароқ миқёсда ўтказилиши режалаштирилди. Чунки биринчисининг ўзидаёқ, 20 дан ортиқ давлатлардан иштирок этиш учун таклифлар келиб тушди.
Изоҳ (0)