Биз маслаҳат берганимиздек қилиб машинани суратга олинг.
Бир қарашда ўз автомобилингни бир неча хил суратини олиб, сотувга қўйишдек осон нарса йўқдек туюлади. Лекин кўпинча шундай эълонларни кўрамизки, уларда автомобилни ҳар томонлама тўла-тўкис кўриш имконияти йўқ, нотўғри танланган ракурс туфайли эса унинг афзал томонлари ҳам тасвирга тушмай қолади ва аксинча, керакли суратлар умуман бўлмайди. Харидор нима қилади? Уни кўпроқ жалб қиладиган қилиб суратга олинган «маҳсулот»ларни томоша қилишга ўтади.
Бундай суратларда машинага баҳо бериш анчагина мушкул
Бу худди бозорга шафтоли олиш учун борган билан баробар. Расталарга чиройли қилиб терилган мевалар дарров эътиборингизни тортади? Шундай эмасми? Бу ерда ҳам шундай. Минглаб машиналар сотилади. Ўзингизникини қандайдир қилиб ажратиб кўрсатишингиз керак-ку!Сурат муваффақиятли чиқиш учун ҳозирда фотоаппарат шарт эмас. Кўпгина телефонлар санъат асарларини ярата оладиган даражадаги сифатли камераларга эга. Ушбу мақола учун расмларни биз Хитойда ишлаб чиқарилган оддий Redmi Note 2 смартфонида олдик. Ажойиб чиқди.
Яхши чиққан расмларни биз ✅ билан белгилаймиз
Мустақил равишда сифатли расм олиш ва эълонингиз «Avtoelon.uz»да бошқаларникидан ажралиб туриши учун баъзи бир оддийгина маслаҳатларимизни инобатга олинг.
Нимани суратга олиш керак ва нимани олмаслик керак? Ва қандай қилиб?
«Avtoelon.uz»да бир эълонда 100 тагача расмни бепул жойлаштириш мумкин. Лекин муҳими – қандай расмларни. Биз салондаги ҳеч кимга кераги бўлмаган антенна ва наклейкаларнинг суратини қўйишни тавсия қилмаймиз. Эълонга автони танлашда муҳим бўлган жиҳатлар тасвирларини жойлаштириш афзалроқ. Майли, расм кам бўлса, бўла қолсин, фақатгина кузовнинг икки жуфт сурати - бу ҳам ёмон.
Нимани суратга оламиз?
1. Кузов (ташқи томони)ни бир неча томондан
Расмга олишни бошлашдан аввал автомобилни ювинг. Тоза машина доимо диққатни жалб этади. Расмга олиш учун очиқ майдонни танланг.
Суратга олиш чоғида эшик ва ойналарини ёпиб қўйинг, чироқларини ўчиринг
Дарахт, устун, симёғочлардан узоқроқда расмга олинг – улар кераксиз хунук соя қолдириши мумкин. Ўзингизнинг соянгизга ҳам эътибор беринг, кадрга тушиб қолмасин.
Соя фақат симёғочдан тушмайди. Қуёшли кунда офтобга қарши туриб расмга олманг, чунки автомобилнинг суратга олинаётган тарафи қоронғи бўлиб чиқади
Ҳар қандай автомобилни суратга олишда бурчакдан тўртдан уч қисми — энг қулай ракурс.
Агар автомобилнинг ғилдираклари бурилган ҳолда суратга олишни истасангиз, у ҳолда диск/ қалпоқнинг ташқи тарафини объективга қаратиб расмга олинг.
Ностандарт ракурсларда суратга олманг.
Албатта, бундай ҳолда олинган суратлар таассурот қолдиради, лекин харидор учун машинанинг бутун кузовини кўриш муҳимроқ.
Расмни горизонтал ҳолатда олинг. Машина марказда турсин. Шундай қилсангиз, бир кадрнинг ўзида машина тўғрисида анчагина маълумот бера оласиз.
Расмни вертикал ҳолатда олсангиз, кадрга ортиқча бўшлиқ тушиб қолади ва уни кадрлаш қийин бўлади.
Вертикал ҳолатда олинган муваффақиятсиз , ўхшамаган суратлар
Эълоннинг дастлабки намойиши бундай расмлар билан ундан-да ёмон кўринади.
Учинчи эълон эса – 2014 йилда чиққан Nexia эмас, балки шунчаки кулранг доғ.
Автомобиль кадрга тўлиқ тушиши керак, уни кесиб ташламанг!
Nexia кадр четига чиқиб кетган, ваҳоланки, жой етарли
Кейинчалик — эълонгами, Instagram’га қўйишгами — уни нимадир мақсадда кадрлаш имконияти бўлиши учун, чеккаларида озгина «бўшлиқ» қолдиринг.
Ракурс тўғри танланган, лекин машина кадрга сиғмаган. Икки қадам орқадан олинса, етарли бўларди
2. Торпедка (асбоблар панели)
Ҳамма кераксиз нарсаларни, ҳид тарқатувчи аксессуар, ортиқча симларни олиб қўйинг. Рулнинг ғилофини ечиб ташланг.
Панелни бир неча ракурсдан суратга олиш мумкин – бу икки намуна ҳам яхши чиққан. Энг муҳими, улар тўлиқ кадрга тушсин.
3. Асбоблар қалқончаси (шитчаси)
Агар ўт олдирилган мотор ва ёқилган подвестка билан расмга олсангиз, афзалроқ бўлади.
4. Олди ва орқа ўриндиқ
Ўриндиқнинг ғилоф (чехол)ларини ечиб ташлаш маъқул – харидор интерьернинг асл ҳолатини кўрсин.
Интерьерни ҳам горизонтал ҳолатда расмга олган яхшироқ. Ортиқча буюмлар ва целлофан (агар ҳатто машина янги бўлса ҳам) салоннинг асл ҳолатини кўрсатмайди.
Интерьернинг мана бундай суратларини, яхшиси, қўйманг
5. Двигатель
Капот ости бўшлиғининг бир фотосурати етарли.
6. Багажник
Суратга олишдан аввал латта-патталар, идиш-канистрлар – ҳаммасини чиқариб ташланг. Резина гиламчаси (полик)ни тозалаб артиб қўйсангиз, ундан-да аъло.
7. Ғилдираклар
Шиналарнинг эскирганини ва дискларнинг ҳолатини кўрсатиш ортиқчалик қилмайди. Агар тўрт ғилдирак бир хил ҳолатда бўлса, битта сурат етарли.
8. Қўшимча опсиялар ва тюнинг
Яхши аудиосистема ва газ баллонларининг йирик пландаги фотосурати сизни бошқа сотувчилардан ажратиб турадиган афзалликдир.
9. Муаммоли жойлари
Агар улар бўлса – қирилган, занглаган, салондаги кўчган жойлар – уларни яширманг. Бундай сотувчиларга нисбатан кўпроқ ишонч туғилади.
Жами энг кўпи билан 20-30 тасвир бўлади, булар автомобиль сотилаётганидан хабар беради.
Қандай қилиб автомобилни сифатли расмга олиш мумкин?
1. Автомобильни кўчада ёруғ пайтда спишкасиз суратга олинг.
Ҳатто профессионал фотоаппаратда олсангиз ҳам, тунда (ёки қоқронғи гаражда) олинган суратлар ярамайди.
2. Телефон камераси объективини яхшилаб артинг.
Кўпчилик арзимаган бу ҳолатни унутади, лекин смартфон қандай бўлишидан қатъи назар камера кўзига тегиб қолган қўл изи суратни бузиб қўяди.
3. Бир неча марта суратга олиб, энг тиниғини танланг.
Хира, ёруғлик тушиб қолган, аниқ кўринмаган суратлар харидор эътиборидан четда қолади.
4. Агар давлат рақамини кўрсатишни истамасангиз, уни латта билан ёпманг.
Истаган смартфоннинг фоторедакторида уни бежиримгина қилиб бўяб қўйиш мумкин, айни шундай функция Avtoelon.uz иловасида ҳам бор.
Нима чиқиши керак.
Бизнинг эълонимизда бор-йўғи 12 дона фотосурат бўлиб, уларда автомобилнинг ҳамма ерини кўриш мумкин. Қўнғироқ қилиб, батафсил маълумотга эга бўлиш мумкин.
Суратни бундан-да яхшироқ олиш мумкинми?
Автомобильни янада чиройли кўринишда қўйишни истасангиз, кун чиқиш ёки кун ботиш пайтида суратга олинг. Агар эрта тонгда ёки оқшом пайти имконият бўлмай қолса, у ҳолда булутли ҳавода, муҳими, қуёшсиз кунда суратга олинг.
Энди сиз нафақат автомобилни тезроқ сотиш, балки уни бир куни набираларга кўрсатишингиз учун эсдаликка сифатли фотосуратлар олиш бўйича бир қанча тавсияларга ҳам эгасиз .
Ва сўнгиси: эълонни жойлаштираётганингизда, биринчи навбатда, машинанинг олд, орқа ёки ташқи тарафдан олинган расмини қўйинг. Зинҳор мотор ёки ўриндиқлари олинган фотосуратни биринчи жойлаштирманг – бундай эълонлар умумий лентада йўқолиб кўринмай кетади. Ўзингиз баҳоланг!
Одатда харидор расмида машинанинг ҳамма ери тўлиқ кўринган эълонни танлайди. Бизнинг эълонимиз бошқаларникидан анча устун.
«Avtoelon.uz»да яхши нархда сотинг!
Реклама ҳуқуқи асосида.
Изоҳ (0)