Санкт-Петербургнинг «Зенит» клуби мавсум якунланишига 3 тур қолганда муддатидан аввал Россия чемпиони бўлди.
Мусобақа жадвалида 2-ўринда бораётган «Локомотив Москва» 27-турда Туланинг «Арсенал» клубига мағлуб бўлди (0:2) ва чемпионлик учун курашдаги имкониятларини йўққа чиқарди.
Бу клуб тарихидаги олтинчи, Россия тарихидаги бешинчи ва 2015 йилдан буён илк чемпионлиги бўлди.
Эслатиб ўтамиз, «Зенит» 58 очко тўплаган ҳолда мусобақа жадвалида етакчилик қилаётган бўлса, 2-ўринни эгаллаб турган «Локомотив» ҳисобида эса 49 очко мавжуд.
Маълумот учун, питерликлар совринлар сони бўйича Россия клублари орасида 3-ўринда бормоқда. Биринчи ва иккинчи ўринларни «Спартак» (10 та ) ҳамда ЦСКА (6 та) клублари эгаллаб турибди. Энг яқин таъқибчиси «Локомотив» ҳисобида эса 3 та чемпионлик мавжуд.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!