Қозоғистон президентининг матбуот хизмати уни фотошоп ёрдамида ёшартиришга уринди (фото)

Қозоғистон президентининг расмий сайтида мамлакатнинг вақтинчалик раҳбарининг ишлов берилган суратлари жойлаштирилди, деб хабар беради TJournal.

Қайд этилишича, ушбу суратлар хорижий ОАВда чоп этилаётган суратлардан тубдан фарқ қилади.

Президентнинг матбуот хизмати 65 ёшли Тўқаевнинг ажинларини йўқотиб, юзини ёшартиришга уринмоқда. Қозоғистоннинг вақтинчалик раҳбари 9 июнда бўлиб ўтадиган президентлик сайловларида иштирок этишни режалаштирмоқда.

Расмларда фақат Тўқаевнинг юзига ишлов берилган, қолганларнинг суратига тегинилмаган.