Олий Мажлис Сенатининг ўн тўққизинчи ялпи мажлисида сенаторлар «Ўзбекистон Республикасининг Иқтисодий процессуал кодексига ўзгартиш ва қўшимчалар киритиш тўғрисида»ги Ўзбекистон Республикаси Қонунини кўриб чиқди. Бу ҳақда «Дарё» мухбири Севара Нишонова хабар берди.
истон Республикаси Президентининг «Жаҳон банки ва Халқаро молия корпорациясининг «Бизнес юритиш» йиллик ҳисоботида Ўзбекистон Республикасининг рейтингини яхшилашга доир қўшимча чора-тадбирлар тўғрисида» 2019 йил 5 февралдаги қарорига мувофиқ Иқтисодий процессуал кодексга иқтисодий судда низоларни ҳал қилиш усули сифатида судгача мажлис ўтказиш имконини берадиган тартиб жорий жорий этишни, суд муҳокамасини қолдиришларнинг максимал миқдорини белгилашни (3 марта), шу жумладан иқтисодий ишлар бўйича суд муҳокамасини қолдиришларнинг (10 марта) ва танаффусларнинг (3 марта) максимал муддатини белгилашни, шунингдек фақат кутилмаган сабаблар ва фавқулодда ҳолатлар юз берганда суд муҳокамасини қолдириш ёки танаффус эълон қилиш мумкин бўлган ҳолларни аниқлашни назарда тутувчи ўзгартишлар киритилмоқда.
Қайд этилганидек, Қонуннинг қабул қилиниши Халқаро молия корпорациясининг «Бизнес юритиш» йиллик ҳисоботи кўрсаткичларида назарда тутилган шарт-шароитларни Ўзбекистонда тезроқ жорий этилишини таъминлайди ва якунида қулай инвестиция муҳитини шакллантиришга ва ушбу рейтингда Ўзбекистоннинг ўрнини оширишга кўмаклашади.
Сенаторлар Қонунни маъқуллади.
Изоҳ (0)