Ўзбекистоннинг АҚШдаги элчиси Жавлон Ваҳобов мамлакатнинг қишлоқ хўжалиги соҳасида етакчи минтақаси бўлган Небраска штатига сафар қилди. Бу ҳақда ТИВ матбуот хизмати хабар бермоқда.
Небраска губернатори Пит Рикеттс билан ўтказилган музокаралар натижасида Навоий вилояти ва Небраска штати шаҳарлари ўртасида биродарлик алоқаларини ўрнатиш бўйича келишувларга эришилган.
Шунингдек, Рикеттс бошчилигида штат савдо миссиясининг Ўзбекистонга сафарини ташкил этиш масаласи ҳам муҳокама этилган.
Шунингдек, сафар давомида Омахадаги Небраска университети ва Жаҳон иқтисодиёти ва дипломатия университети ҳамда Тошкент давлат иқтисодиёт университети ўртасида ҳамкорлик меморандумлари имзоланди.
Уларда алмашинув дастурлари, ҳамкорликда тадқиқотлар ўтказиш, халқаро муносабатлар, иқтисод ва журналистика, бизнес бошқаруви, банк иши ва маркетинг соҳаларида икки диплом тизимини жорий этиш назарда тутилган.
Изоҳ (0)