Президент Шавкат Мирзиёев Сурхондарё вилоятига ташрифини якунлаб, Тошкентга қайтиб келди. Бу ҳақда Президент Матбуот хизмати хабар бермоқда.
Эслатиб ўтамиз, Президентнинг Сурхондарёга ташрифи 30 апрель куни бошланган эди.
Бугун, 1 май куни давлат раҳбари Термиз шаҳрида Халқ депутатлари Сурхондарё вилояти кенгашининг навбатдан ташқари сессиясида қатнашди.
Шунингдек, Шавкат Мирзиёев Сурхондарёдаги замонавий тикувчилик корхонаси ва инновацион кўчма кинотеатр лойиҳаси билан танишди.