АҚШ ҳукумати мамлакат авиакомпанияларига 48 соат ичида энг тезкор йўллар билан Венесуэла ҳаво ҳудудини тарк этишни тавсия қилди. Бу ҳақда «Вести.ru» хабар берди.
Шу билан бирга, барча АҚШ самолётларининг махсус буйруқ чиққунга қадар Венесуэла устидан 8 минг метрдан пастлаб учиши ҳам тақиқланган.
АҚШ Федерал авиация бошқармаси ўзининг бундай қарорини Венесуэлада сиёсий беқарорлик ва кескинлик кучайиб бораётгани билан изоҳлаган.
Аввалроқ Венесуэла пойтахти Каракас ва бошқа бир қатор шаҳарларда ҳукуматга қарши норозилик намойишлари бўлиб ўтган эди. Намойишлар бир гуруҳ ҳарбийлар Венесуэла мухолифати етакчиси Хуан Гуайдони қўллаб-қувватлаганидан сўнг бошланган.
Изоҳ (0)