Иқтисодчи Юлий Юсупов минерал сув импортига божхона тўловини ошириш ҳақидаги таклифга муносабат билдирди

Мустақил иқтисодчи-эксперт Юлий Юсупов Давлат божхона қўмитасининг минерал сув импортига божхона божларини ошириш таклифи юзасидан фикр билдирди.

«2019 йил 1 январдан божхона режими либераллаштирилгандан сўнг протексионистлар ва лоббистларнинг ҳужуми давом этмоқда. Турли манфаатдор гуруҳлар барча ҳақиқат ва ноҳақликлар билан муайян товар гуруҳларига божхона тўловларини оширишга ҳаракат қилмоқда.

Минерал сув учун божхона божини 30 фоиздан 50 фоизга ошириш ва литр учун $0,25 минимал чегарани белгилаш таклиф этилади (ҳозирда минимал чегара йўқ).

Бу бозорда рақобатни заифлаштиради (ва муқаррар равишда маҳсулот сифатини ёмонлаштиради, унинг қийматини оширади), контрабанда, яширин иқтисодиёт ва коррупция даражасини оширади (божхона, чакана текширувларда).

Бундан ташқари, буларнинг барчаси нима учун қилинаётгани юзасидан берилаётган изоҳлардан кўнглинг юмшаб кетади. Бу чора-тадбирлар «соғлом рақобат муҳитини қўллаб-қувватлаш, ички бозорни сифатли истеъмол товарлари билан таъминлаш» мақсадида таклиф этилмоқда. Ажойиб мантиқ.

Ушбу мантиққа мувофиқ, Ўзбекистондаги энг соғлом рақобат муҳити ва энг юқори сифатли маҳсулотлар — автомобиль бозорида», — деб ёзади Юлий Юсупов.