Жорий йил бошида Россияда иш бошлаган Бандлик ва меҳнат муносабатлари вазирлиги Ташқи меҳнат миграцияси агентлигининг ваколатхонаси ўзбекистонлик фуқароларга ҳақ тўламаган иш берувчилардан 1 495 000 рубль миқдоридаги иш ҳақларини олишга ёрдам берди. Бу ҳақда вазирлик матбуот хизмати хабар бермоқда.
Жумладан:
«Ант Япи» МЧЖ (Москва) —300 000 рубль;
«Возрождение» МЧЖ (Москва) — 700 000 рубль (дастлабки 100 000 рубль миқдордаги тўлов олинган);
«Евразия» МЧЖ (Москва) — 345 000 рубль;
Турли иш берувчилардан —150 000 рубль.
Фотода ваколатхона ходими ва ёрдам сўраб мурожаат қилган қашқадарёлик 26 ёшли Рустам Бобокалонов (иш берувчи 7 ой мобайнида иш ҳақи тўламаган, ваколатхонага мурожаат қилингандан сўнг 300 000 рубль олинган) акс этган.
Ваколатхона манзили: Москва, Казачий 1-тор кўчаси, 11/2. Ўзбекистон элчихонаси меҳмонлар уйи биноси. Телефон: +8 (925) 045-47-44.
Изоҳ (0)