Наманганда Ёшлар иттифоқи томонидан ўзлаштириши юқори бўлган ҳамда муддатли ҳарбий хизматни ўтаб имтиёзли равишда ўқишга қабул қилинган талабалар учун шартнома пулининг 35 фоизи тўланганини билдирувчи сертификатлар топшириш маросими бўлиб ўтди. Бу ҳақда «Дарё»га вилоят кенгаши матбуот хизмати маълум қилди.
Ёшлар иттифоқи вилоят кенгаши раиси Абдулазиз Мўминовга кўра, жорий ўқув йилида вилоятдаги олий таълим муассасаларининг 393 нафар талабаларига жами 1 103 735 714 сўм миқдордаги тўлов-шартнома пуллари тўлаб берилди.
Ушбу имтиёзлар берилишида талаба-ёшларнинг ташкилот тизимида амалга оширган ишлари, фаолликлари, жамият ривожига қўшган ҳиссаси инобатга олинди.
Сертификат топшириш маросими давомида концерт дастури, саҳна кўринишлари намойиш этилди.
Изоҳ (0)