Барселона, Милан, Лондон, Париж, Нью-Йорк шаҳарларининг энг илғор тажрибасини уйғунлаштирган, қарийб 3 км масофани эгаллаган улкан савдо ҳудудида кўнглингиз тусаган харидларни қилиб, тушлик вақти хуш кўрган қаҳвахонангизда эко-сайилгоҳнинг ям-яшил манзарасидан баҳра оласиз.
Нозик дид билан бунёд этилган ҳайкаллар ва муҳандислик иншоотларидаги сайрлардан илҳомланиб санъат гўшаларига ташриф буюрасиз.
Энди бу шунчаки орзу ёки узоқдаги режа эмас —рўёби томон шаҳдам бораётган келажак, мисли кўрилмаган истиқболли улкан лойиҳа.
2020 йилда фойдаланишга топширилиши кўзда тутилаётган замонавий, беқиёс дизайн, бежирим архитектура ечимлари асосида қад ростлаётган Boulevard шоппинг-авенюси юқоридаги барча таърифларни ўзида мужассам этади.
24 апрель куни Tashkent City халқаро ишбилармонлик маркази ҳудудидаги мазкур шоппинг-авенюсининг расмий тақдимоти ўтказилиб, 25 апрелдан эътиборан тижорий кўчмас мулкларнинг сотуви очиқ, деб эълон қилинди.
Таъкидлаш керакки, жами 21,5 минг кв/м ҳудудга ёйилган том маънодаги шоппинг-авенюси 150 дан ортиқ турли эҳтиёжларга йўналтирилган объектлар: бутиклар, гўзаллик салонлари, ресторанлар, тиббиёт марказлари, банклар, дорихоналар, супермаркетлар, кўнгилочар марказлар, маиший-техника дўконлари, маданий ва бошқа хизмат кўрсатиш иншоотларини ўз ичига олади.
Ерости сувларидан ишончли ҳимояланган, зилзилабардошлиги норматив бўйича +9 баллга тенг бинолар остида жойлашган.
Иншоотлар учун ажратилган биноларнинг ички қисми 5,2дан 7,2 метргача шифтлар баландлиги дизайн масаласида исталган ижодкорликка йўл очади.
Бундан ташқари, авеню мажмуанинг бошқа чеккаларидаги каби кенг, шинам алоҳида автотураргоҳлар, апартаментлар билан жиҳозланади.
Қўшимча қилиб айтиш мумкинки, Tashkent City халқаро ишбилармонлик маркази, жумладан, Boulevard шоппинг-авенюси мажмуаси бу шаҳарнинг қоқ марказидаги ишбилармонлик фаолиятида бизнес ғояларингизни амалга ошириш учун ақлбовар қилмас имкониятдир.
Шундай экан, бизнес ғояларингизни ҳақиқий савдо-сотиқ учун очиқ ҳудуд, самарали ва унумли имкониятларни таклиф этувчи улкан лойиҳага киритинг ҳамда биз билан бирга тараққий этинг.
Янада тўлиқ маълумот олиш, шунингдек, мажмуанинг барча афзалликлари билан танишиш учун савдо офисига мурожаат қилишингиз мумкин:
Ягона маълумот маркази: +99871 202-2222
Офиснинг иш тартиби: 09:00 дан 19:00 гача. Дам олиш кунларисиз.
Манзил: Фурқат кўчаси, Tashkent City XИМ.
Мўлжал: Халқлар дўстлиги майдони томонидан Алишер Навоий кўчасига ҳаракатланиш ҳудудида.
Dream City компанияси ижтимоий тармоқларда:
Реклама ҳуқуқи асосида.
Изоҳ (0)