Creative Spark дастури Ўзбекистонда ижодий тадбиркорликни ривожлантириш ва Британия университетлари билан халқаро алоқаларни йўлга қўйиш учун мўлжалланган.Ўзбекистонда ҳар йили бир неча минг талаба ОТМини битиради ва катта ҳаётга биринчи қадамини қўяди. Уларнинг аксарияти ажойиб қобилиятлар ва ижодий ғояларга эга, аммо бу билан қандай қилиб пул топиш мумкинлигини билишмайди
ОТМ битирувчиларига ва ёш тадбиркорларга ўзларининг ижодий салоҳиятларини рўёбга чиқаришда ёрдам бериш мақсадида Британия Кенгаши тадбиркорликни ривожлантириш бўйича олий таълим соҳасидаги Creative Spark дастурини ташкил этди.
Creative Spark Буюк Британиядаги ОТМлари ва мазкур дастурда иштирок этаётган мамлакатлар ўртасида ижодий тадбиркорлик билимларини ошириш соҳасида халқаро ҳамкорликни ривожлантириш учун беш йиллик дастур ҳисобланади. Дастурда Марказий Осиё (Қозоғистон, Ўзбекистон, Қирғизистон), Жанубий Кавказ (Озарбайжон, Арманистон, Грузия) ва Украина давлатлари қатнашади.
Дастурни амалга оширишнинг биринчи йилида унга 10 мингдан ортиқ талаба ва ёш тадбиркорлар жалб қилиниши режалаштирилмоқда.
«Британия Кенгаши тадқиқотларига кўра Марказий Осиёдаги университетларнинг талабалари ва битирувчилари муваффақиятли амалга оширилиши мумкин бўлган ажойиб ижодий салоҳиятга эга эканлигини аниқланган. Британия университетлари ОТМ ўртасида халқаро алоқаларни ўрнатишга ёрдам берадиган махсус дастурни яратиш ва рағбатлантиришда иштирок этиш учун таклиф қилинганида, Лондоннинг Голдсмитс коллежи ихтиёрий равишда иштирок этди, чунки бу коллеж директори илгари Ўзбекистонга ташриф буюрган ва бу мамлакатнинг бой ва қизиқарли маданияти борлигини кўрган. Ва биз бу ерга таълим усулларини таққослаш, талабалар билан ишлаш ва республикада замонавий санъатни ўрганиш учун келдик», — дейди Creative Spark’нинг илк тренинглар серияси куратори Шон Прайм.
Creative Spark дастури уч асосий элементдан иборат:
- Буюк Британия ва иштирокчи мамлакатлар университетлари ҳамда ижодий муассасалари ўртасида ҳамкорликни ривожлантириш. Бундан ташқари, ўқув жараёни доирасида ижодкор тадбиркорлик кўникмаларини ривожлантириш, шунингдек, тадбиркорлик марказларини ташкил этишга кўмаклашиш.
- Талабалар ва ижодкор тадбиркорлар учун тадбиркорлик кўникмаларига оид бир қатор тренинглар ўтказиш.
- Турли онлайн ресурслардан фойдаланган ҳолда инглиз тилини ўрганиш.
«Университетлар, ижодкор талабаларни қўллаб-қувватлаш усулларини ўзгартириб, нафақат яхши рассом ёки дизайнер бўлишга, балки ўз истеъдодини бизнесга айлантиришга ҳам ўргатади, деб умид қиламиз. Менимча, бизнинг дастуримиз ижодий иқтисодга таъсир қилиши ва тадбиркорларнинг янада кучли бўлишига ёрдам беради. Балки университетлар ўзларининг ўқув дастурларини кўриб чиқарлар ва ўқувчиларни ўз бизнесларини ташкил этишга ёрдам беришга кўпроқ эътибор беришар», — дейди Creative Spark’нинг биринчи тренинглар серияси куратори Никола Тёрнер.
Creative Spark’нинг мақсади — ижодий тадбиркорлик соҳасида муваффақиятли Британия тажрибасини ўрганиш ва Буюк Британиядаги университетлар ва иштирок этаётган мамлакатлар ОТМлари ўртасида ҳамкорликни йўлга қўйишдир. Молиялаштириш талабалар ва тадбиркорлар ўртасида тадбиркорлик кўникмаларини ривожлантириш бўйича турли тренинглар ва тадбирларни қамраб олиши мумкин: ғоялар ва бизнесни бошлашдан то интеллектуал мулкни ҳимоя қилишгача.
«Ижодкор ёшларни тарбиялаш вақти келди. Ўзбекистоннинг ҳеч бир таълим муассасасида ижодий фикрлашни ўргатадиган махсус интизом мавжуд эмас. Мен ўқувчиларга ўз ишларида ижодий ёндошишларини ўргатиш учун ўз модулимни ташкил қилмоқчиман.
Шунингдек, биз ҳамкасбларим билан олий таълим муассасасида ўқиётиб, ўз бизнесини бошлаши учун университет қошида маълумотлар банкини ва талабалар стартапларини яратишни режалаштирмоқдамиз», — дейди, Creative Spark аъзоси, маданият ва санъат институти ўқитувчи Манзура Йўлдошева.
Ўзбекистон маданият ва санъат институтида биринчи семинарлар туркумида Лондондаги Голдсмитс коллежининг вакиллари — Никола Тёрнер, Шон Прайм ва Адриан де ла Курлар иштирок этидилар.
Никола Тёрнер — NT Creative Arts компанияси директори, Голдсмитс коллежида «Ижодий ва маданий тадбиркорлик» бўйича магистрлик дастурининг кичик ўқитувчиси.
Шон Прайм – Голдсмитс коллежида «Маданият ва ижодкорлик саноатидаги тадбиркорлик» курси директори, тажрибали мураббий, кўмакчи ва маслаҳатчи.
Адриан де ла Кур — Голдсмитс коллежида «Маданият ва бизнес саноатидаги тадбиркорлик» курси лектори, продюсер, хореограф, режиссёр.
«Бу курс ўзининг бетакрорлиги ва бу ерда берилган билимлар Ўзбекистон ҳудудида топилмаслиги билан ажралиб туради. Ушбу дастурнинг афзаллиги шундаки, биз ҳеч қаерга боришимиз шарт эмас, одамлар ўзлари олдимизга келишади. Бизда бизнес шерикларимиз билан биргаликда ижодий студиямиз бор ва тренингларда турли хил амалий машғулотларни таҳлил қилиш биз учун жуда фойдалидир: биз қаерларда хато қилганимизни ва қаерда тўғри қилганимизни тушунамиз. Биз учун олинган билимлар жуда муҳим ва биз уларни бу соҳада кенг тарқатамиз», — дейди Creative Spark иштирокчиси ва ёш тадбиркор Зулфия Абдулина.
Талабалар ва ёш тадбиркорлар Creative Spark дастурида ўзбек ва инглиз ОТМлари билан консорциумда иштирок этишлари мумкин. Бунинг учун лойиҳа аризасини ишлаб чиқиш ва уни Британия университети орқали тақдим этиш керак. Аризалар олти ҳафта ичида кўриб чиқилади.
Ўқитиш йилига бир неча бор Британия университетларининг мураббийлари билан интенсив тренинглар шаклида ўтказилади. Илгари, дастур доирасида Ўзбекистоннинг ижодий йўналишдаги ОТМлари ўқитувчилари ижодий тадбиркорликни ўқитиш усулларини ўрганиш учун лондонлик ҳамкасблари олдига ташриф буюрган эдилар.
Creative Spark’да ишторик этиш учун аризаларни Буюк Британиядаги ҳамкорлар билан биргаликда ишлаб чиқиб, жорий йилнинг 12 майигача топшириш керак.
Тўлиқ маълумотни телефон орқали олишингиз мумкин: (+998) 71−205−06−60
Манзил: Юнусобод тумани, Амир Темур, 107-Б уй
Мўлжал: Халқаро бизнес-марказ, «Бодомзор» метро бекати
Сайт: britishcouncil.uz
Реклама ҳуқуқи асосида.
Изоҳ (0)