Хоразмда «Зилзила натижасида юзага келган ёнғин билан боғлиқ фавқулодда вазиятлар оқибатларини бартараф этишда корхона фуқаро муҳофазаси тузилмалари ҳамда тегишли хизматларнинг ҳамкорликдаги ҳаракатлари» мавзусида махсус-тактик ўқув машқи ўтказилди. Бу ҳақда Хоразм вилояти ФВБ «Дарё»га хабар берди.
Ушбу машғулот Хоразм вилояти ҳокими, Фуқаро муҳофазаси бошлиғининг 2019 йил 21 январдаги «Аҳоли ва ҳудудларни фавқулодда вазиятлардан муҳофаза қилиш бўйича 2018 йилда бажарилган тадбирлар якуни ва 2019 йилдаги вазифалар тўғрисида»ги 3-8 (ХДФУ)-сонли буйруғига асосан ўтказилди.
Ўқув машқини ўтказиш давомида туман ФВДT хизматлари ҳамда корхона Фуқаро муҳофазаси тузилмаларини зилзила натижасида юзага келган фавқулодда вазиятлар оқибатларини бартараф этиш бўйича назарий ва амалий билимлари ҳамда кўникмалари такомиллаштирилди.
Ўқув машқи 4 босқичда ўтказилди:
Биринчи босқич:
Муҳаммад ал-Хоразмий номидаги ТАТУ Урганч филиали ФМ тузилмалари алоқа ва хабар бериш гуруҳининг фаолияти ва корхона ҳудудида содир бўлган ёнғин билан боғлиқ фавқулодда вазиятларда корхона Фуқаро муҳофазаси тузилмалари ва шаҳар ФВДT хизматларига тасдиқланган огоҳлантириш схемаси орқали хабар бериш бўйича ҳаракатлари амалда текширилди ва «Йиғин» хабари орқали барча шахсий таркиб ва талабаларнинг филиал ҳудудидан хавфсиз ҳудудга эвакуация қилиш тўғрисида топшириқлар берилди. Топшириқлар асосида барча шахсий таркиб ва талабаларнинг хавфсиз ҳудудга эвакуация қилиш ва «Йиғин» хабари бўйича Фуқаро муҳофазаси тузилмалари ва шаҳар ФВДT хизматларини белгиланган муддатларда етиб келиши ва сафланиши назоратга олинди.
Иккинчи босқич:
Муҳаммад ал-Хоразмий номидаги ТАТУ Урганч филиали ҳудудига берилган «Йиғин» хабари бўйича корхона Фуқаро муҳофазаси тузилмалари туман ФВДT хизматларининг содир бўлиши мумкин бўлган фавқулодда вазиятларни бартараф этишга тайёргарлик ҳолати текширилди ва ҳар бир гуруҳ сардори ва туман ФВДT хизматлари бошлиқларининг ўқув машқига тайёргарлик юзасидан ахборотлари тингланди. Шу қаторда ўқув машқининг амалий босқичларини олиб борилиши бўйича филиал штаб бошлиғи томонидан ишлаб чиқилган харита ёрдамида йўналишлар берилди, шахсий таркибнинг ҳимоя воситаларидан фойдаланишлари амалда текширилди ва тегишли кўсатмалар берилди.
Учинчи босқич:
Муҳаммад ал-Хоразмий номидаги ТАТУ Урганч филиали ҳудудида содир бўлган ёнғин натижасида филиалнинг маъмурий биноси ва атрофидаги қўшимча бинолардан ишчи ходимлар ва фуқаролар, бундан ташқари моддий бойликларни хавфсиз ҳудудларга кўчириш тадбирлари амалга оширилди. Эвакуация тадбирлари давомида корхона ичкарисидан жароҳатланганлар хавфсиз ҳудудларга олиб чиқилиб, уларга корхона санитария гуруҳи ва Урганч шаҳар ТТЁ хизмати ходимлари томонидан биринчи тез тиббий ёрдам кўрсатиш тадбирлари амалда бажарилди.
Тўртинчи босқич:
Муҳаммад ал-Хоразмий номидаги ТАТУ Урганч филиали ҳудудида содир бўлган ёнғин оқибатларини бартараф этиш ва ёнғинни кенгайишини олдини олиш, моддий бойликларни нобуд бўлишига йўл қўймаслик мақсадида корхона ёнғинга қарши кураш гуруҳи ва шаҳар Ёнғин хавфсизлиги хизмати томонидан ёнғин оқибатлари ўз вақтида бартараф этилди. Содир бўлган ёнғин натижасида тан жароҳати олган ишчи ходимлар филиал қутқарув гуруҳи ҳамда вилоят ФВБ қутқарув отряди билан ҳамкорликда хавфсиз ҳудудга олиб чиқилиб, биринчи тиббий ёрдам кўрсатиш ишлари ташкиллаштирилди.
Шунингдек, ўтказилган тадбир давомида вилоят ФВБ қутқарув отряди ва ёнғин хавсизлиги хизматининг махсус қидирув-қутқарув ва ёнғин ўчириш асбоб-анжомларининг кўргазмали намойиши ўтказилди ва талабалар ва иштирокчиларнинг қизиқтирган саволларига жавоблар берилди.
Ўтказилган махсус-тактик ўқув машқига Хоразм вилояти Фавқулодда вазиятлар ва Ёнғин хавфсизлиги бошқармаларидан 16 нафар ходим, 2 та техника ҳамда зарурий асбоб-анжомлар;
Муҳаммад ал-Хоразмий номидаги ТАТУ Урганч филиали Фуқаро муҳофазаси тузилмалари ва раҳбар таркибидан 50 нафар ходим, кузатувчи сифатида 110 нафар ўқитувчи ходимлар ва 480 нафар талабалар, жами 640 нафар шахсий таркиб ва зарурий асбоб-анжомлар, жами 662 нафар ходим, 4 та махсус техника ва зарурий асобоб-анжомлар жалб этилди.
Изоҳ (0)