Экология ва атроф-муҳитни муҳофаза қилиш бўйича давлат қўмитаси аҳоли учун чиқиндиларни саралашга ундаш учун содиқлик тизими — Clean City лойиҳасини тайёрламоқда , деб хабар берди «Газета.uz».
Лойиҳа 23 апрель куни «қаттиқ маиший чиқиндиларни бошқариш соҳасида банд бўлган ташкилотлар учун давра суҳбати давомида давлат Экология қўмитаси абонент хизмати ва биллинг бўлими бошлиғи ўринбосари Даврон Абдуллаев томонидан тақдим этилди.
Мутахассиснинг фикрига кўра, лойиҳа чиқиндиларни қайта ишлаш заводлари томонидан сараланган чиқиндиларни қабул қилиш пунктлари очилишини назарда тутади. Тизимни бир ой ичида ишга тушириш режалаштирилмоқда.
Фуқаролар қабул қилиш пунктига топширилган ҳар бир килограмм сараланган чиқиндилар учун маблағ оладиган ИД карталарини олади. Тўпланган маблағ лойиҳа ҳамкорларидан бирига сарфланиши мумкин.
Лойиҳа қаттиқ маиший чиқиндилар ва чиқиндиларни қайта ишлаш заводлари билан ишлаш бўйича кластерлар томонидан қўллаб-қувватланди. Шу билан бирга, улар орасида нақд пул ва нақд пулсиз ҳисоб-китоблар бўйича баҳс юзага келди. Бугунги кунда расмий мақомга эга бўлмаган шахслар ва ташкилотлар ахлатларни сараламоқда. Шу сабабли бу ҳолат қўшилган қиймат солиғини тўлашни четлаб ўтиш имконини берувчи яширин иқтисодиётни юзага келтирган.
Изоҳ (0)