«Лукойл» Ўзбекистондаги мавжуд лойиҳаларга қўшимча 2 миллиард доллар сармоя киритишни режалаштирмоқда. Бу ҳақда бугун, 25 апрель куни Россия компаниясининг раҳбари Вагит Алекперов Бухоро вилоятидаги «Қандим» газни қайта ишлаш комплекси ҳудудида бўлиб ўтган, компания директорлар кенгаши сайёр йиғилишида маълум қилди, деб хабар берди «Газета.uz».
«Компания бизнинг мавжуд лойиҳаларимизда катта инвестиция циклига эга. Келажакда ‘Ҳисор’ ва Қандим гуруҳи конларида газ қазиб олишни камайтириш учун 2 миллиард доллар йўналтиришимиз керак», — деди Алекперов журналистларга.
Вагит Алекперовнинг маълум қилишича, «Лукойл» республика ҳудудида янги углеводородлар захираларини топиш ва янги инветициялар киритишни режалаштирмоқда.
«Ўрганиш бошланган учта блок - бу жуда катта иш. Республика раҳбарияти олдида компания ўз зиммасига олаётган масъулият барча ишни ўз вақтида бажаришга имкон беради. Шунинг учун биз ушбу объэктлар бўйича ишлаймиз, деб ўйлайман», — дея қўшимча қилди Алекперов.
Ўзбекистон Энергетика вазири Алишер Султоновнинг умид қилишича, яқин келажакда янги йўналишларда «Лукойл» билан ҳамкорлик кенгайтирилади.
«Хусусан, бу геология-қидирув ишларидир. Навоий вилоятидаги учта инвестицион блок бўйича материаллар ‘Лукойлъга топширилди. Бу жуда истиқболли йўналиш. Умид қиламизки, газни чуқур қайта ишлаш соҳасида ишлашни давом эттирамиз», — дея қўшимча қилди вазир.
Изоҳ (0)