Наманган шаҳри, «Янги аср» маҳалласида яшовчи, 1995 йилда туғилган О.М. Наманган шаҳридаги чорва моллари бозорида қариндоши М.М. (1993 йилда туғилган) билан ўзаро қарз олди-бердиси масаласида жанжаллашиб қолганларида бозордаги фуқаролар томонидан ажратилган. Бу ҳақда Бош прокуратура хабар бермоқда.
Шунга қарамай, О.М. жанжалдан сўнг М.М.ни қасддан ўлдириш мақсадида ёнида бўлган ошхона пичоғи билан унинг орқа томонидан ҳужум қилиб, бир неча маротаба пичоқ урган, бироқ жиноий ҳаракатларини ўзига боғлиқ бўлмаган ҳолатда охирига етказа олмай, ҳодиса жойидан қочиб яширинган.
Шифокорлар томонидан кўрсатилган тиббий ёрдамлар натижасида М.М.нинг ҳаёти сақлаб қолинган.
Ушбу ҳолат юзасидан шу куннинг ўзида Наманган шаҳар прокуратураси томонидан О.М.га нисбатан Жиноят кодексининг 25, 97-моддаси 1-қисми билан жиноят иши қўзғатилиб, дастлабки тергов ҳаракатлари олиб борилмоқда.
О.М. тегишли процессуал тартибда ушланган.
Изоҳ (0)