Давлат статистика қўмитаси маълумотлрага кўра, ўзбекистонликлар йил бошидан буён доимий яшаш учун кўпроқ Қозоғистон, Россия ва Исроил давлатларига кўчиб кетган. Бу ҳақда Spot хабар берди.
Ўзбекистонда январь март ойиларида доимий яшаш учун кўчиб келганларнинг сони 767 кишини, кўчиб кетганларники эса 2863 кишини ташкил этган.
Кўчиб келганлар кўпроқ Тожикистон (26,2 фоиз), Қозоғистон (24,9 фоиз) ва Қирғизистон (16,4 фоиз) давлатларидан келган.
Кўчиб кетганларнинг кўпчилиги эса Қозоғистон (47,9 фоиз), Россия (45,6 фоиз ) ва Исроилга (1,1) борган.
Миграция салдоси минус 2,1 минг кишини ташкил этган бўлиб, 2018 йилнинг шу даврида бу кўрсаткич минус 2,5 минг кишига тенг бўлган.
Миграция салдосининг юқори даражаси Қашқадарё (минус 1,4 минг киши), Самарқанд (минус 1,3 минг киши) ва Тошкент, Бухоро (минус 0,8 минг киши) вилоятларида қайд этилган. Миграция салдосининг ижобий даражаси Тошкент шаҳрида (плюс 5,8 минг киши) кузатилган.
Изоҳ (0)