Прокуратура органлари томонидан 2019 йил уч ойи давомида тергов қилинган жиноят ишлари бўйича жиноят оқибатида етказилган моддий зарарларни аниқлаш ва ундириш чоралари кўриб борилмоқда, деб хабар берди Бош прокуратура матбуот хизмати.
Статистик ҳисоботларга кўра, содир этилган жиноятлар бўйича қўзғатилган жиноят ишлари юзасидан прокуратура органларида 2019 йил уч ойи давомида жами 603 та (2018 йилда 527 та) иқтисодиёт соҳасидаги жиноят ишлари иш юритувга қабул қилиниб, улар юзасидан дастлабки тергов ҳаракатлари олиб борилган.
Прокуратура органлари томонидан 2019 йилнинг уч ойи давомида жами 330,8 миллиард сўм (121,3 миллиард сўм) миқдорида зарарлар аниқланиб, шундан 303,9 миллиард сўми (115,6 миллиард сўм) ёки 91,9 фоизи (95,3 фоизи) тергов давомида ундирилган бўлса, қолган 26,9 миллиард сўми (5,7 миллиард сўм) ёки 8,1 фоизи (4,7 фоизи) зарарни ундириш юзасидан судларга даъво аризалари киритилган.
Шундан давлатга етказилган 293,2 миллиард сўм (98,2 миллиард сўм) зарар ундирилди.
Шунингдек, 2018 йил уч ойи давомида давлат улуши бўлмаган хўжалик юритувчи субъектлар ва фуқароларга етказилган жами 6,2 миллиард сўм ундирилган бўлса, бу кўрсаткич жорий йилнинг уч ойида 11,6 миллиард сўмни ташкил қилди.
Ўтган йилнинг уч ойи давомида 29,5 миллиард сўм пуллар нақд пул шаклида ундирилган бўлса, бу кўрсаткич жорий йилда 159,6 миллиард сўмни ташкил қилиб, ўтган йилги кўрсаткичга нисбатан 5,4 баробарга ошган бўлса, 28.8 миллиард (16.1 миллиард сўмлик зарарни пул кўчириш йўли билан ундирилиши таъминланган.
Мазкур йўналишда ишлар тизимли давом эттирилмоқда.
Изоҳ (0)