2019 йилнинг 16—17 апрель кунлари Ўзбекистон Республикаси Бош вазирининг ўринбосари Элёр Ғаниев бошчилигидаги делегация ишчи ташриф билан АҚШга келди. Бу ҳақда ТИВ матбуот хизмати хабар берди.
Ташриф доирасида АҚШ Савдо вазири Уилбур Росс билан самарали учрашув бўлиб ўтди. Уилбур Росснинг 2018 йилнинг октябрь ойида Ўзбекистонга ташрифи давомида эришилган келишувларни амалга оширилиш жараёни қайта кўриб чиқилди.
Учрашувда таъкидланганидек, Ўзбекистон Республикаси Президенти Шавкат Мирзиёевнинг 2018 йил май ойида АҚШга расмий ташрифи мамлакатлар ўртасидаги муносабатларни янги босқичга олиб чиқди. Икки томонлама кун тартибининг барча соҳаларида тараққиёт кузатилмоқда. Савдо ва сармоявий соҳадаги ҳамкорлик алоҳида ривожланди. Ўзбекистон билан Қўшма Штатлар ўртасидаги савдо ҳажми ўтган йилда деярли икки баравар кўпайди, қўшма корхоналар сони ортди.
Учрашувда шунингдек, бир қатор муҳим қўшма тадбирлар, жумладан, 16—17 май кунлари Навоийдаги йирик бизнес-форум, 18—20 июнь кунлари АҚШ Савдо Вазирлигининг «сертификатланган савдо миссияси» ва 21—22 октябрдаги йиллик Ўзбекистон—Американинг бизнес-форумига тайёргарлик масалалари муҳокама қилинди.
Қишлоқ хўжалиги вазирлиги ва АҚШ молия вазирлигининг техник ёрдам дастурлари доирасида ҳамкорлик истиқболлари юзасидан фикр алмашилди ва Эксимбанк ва OPIC’дан имтиёзли кредитларни қўллашда ҳамкорликни кенгайтириш, шунингдек, АҚШнинг янги ташкил этилган Халқаро молия корпорациясига устувор эътибор берилади.
Изоҳ (0)