Тошкентда фуқаро танишидан 45 минг доллар олиб ўз эҳтиёжи учун ишлатиб юборди

18 апрель куни Тошкентнинг Миробод туманида туман ички ишлар органлари фаолиятини мувофиқлаштириш бўлимига Ф.К.дан фирибгарлик ҳақида мурожаат келиб тушган.

Маълум бўлишича, 2015 йил 1 июнь куни Катта Миробод кўчасида яшовчи Р.К. уйи олдида таниши Ф.К.га бирга тадбиркорлик билан шуғулланишини айтиб, алдов йўли билан ишончига кирган

Фирибгар ундан 45 минг долларни олиб, берган ваъдасини бажармай пулларни ўз эҳтиёжлари учун ишлатиб юборган.

ИИВ матбуот хизматининг маълум қилишича, кўрилган чоралар натижасида Р.К. қўлга олинган.

Ҳолат юзасидан жиноят иши қўзғатилиб, тергов ҳаракатлари олиб борилмоқда.