Агар автомашина ўз вақтида етказиб берилмаса, корхона томонидан ҳар бир кечиктирилган кун учун 0,4 фоиз миқдорида пеня тўланиши шартномада белгиланган, бу ҳақда ЎзА хабар қилади.
Бухоро тумани истеъмолчилар ҳуқуқларини ҳимоя қилиш жамиятига Вобкент туман Кулолчи кўчаси 65-уйда яшовчи фуқаро Саъдулла Наврўзов мурожаат қилган. У ўз мурожаатида «Ситора-авто савдо» МЧЖ билан Nexia 3 АV-CS16 русумли автомашина сотиб олиш учун белгиланган тўловни амалга ошириб, шартнома тузган. Шартномага асосан, 2019 йил 1 январга қадар автомашина фуқарога етказиб берилиши белгиланган бўлган. Агар ўз вақтида етказиб берилмаса, корхона томонидан ҳар бир кечиктирилган кун учун 0,4 фоиз миқдорида пеня тўланиши шартномада белгилаб қўйилган. Аммо истеъмолчига шартномада кўрсатилган муддатда автомашина берилмаган.
Мурожаат вилоят жамиятлари мутахассислари томонидан ўрганилиб, натижасида фуқарога Nexia 3 АV-CS16 автомошинаси олиб берилди, шунингдек, истеъмолчининг аризасига биноан, кечиктирилган муддат бўйича пеня ҳисобланиб, корхона томонидан фуқарога ўн миллион тўққиз юз ўн минг тўрт юз ўн саккиз сўм пеня тўланди.
Изоҳ (0)