16 апрель, сешанба куни футбол бўйича Европа Чемпионлар Лигаси чорак финалининг жавоб ўйинида «Барселона» ўз майдонида «Манчестер Юнайтед»ни мағлуб этди ва икки ўйин натижасига кўра ярим финал йўлланмасига эга чиқди.
Мазкур учрашувда каталонияликлар ҳужумчиси Лионель Месси дублга эришди (16 ва 20-дақиқалар). Натижада унинг Европа Чемпионлар Лигаси 32 та баҳсида инглиз клублари дарвозасига урган голлари сони 24 тага етди. Бу мусобақа рекорди ҳисобланади.
Маълумот учун, аргентиналик «Арсенал» дарвозасига 9 та гол урган, «Манчестер Сити»га қарши ўйинда 6 та голга муаллифлик қилган. 4 марта «Манчестер Юнайтед», 3 маротаба «Челси» ҳамда «Тоттенҳэм» дарвозасини эса 2 марта ишғол қилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)