Эндиликда, ўзбек пахтасини «бойкот» қилишни тўхтатиш учун ахборот кампаниясини кучайтириш муҳимдир, дейди Халқаро меҳнат ташкилотининг Вашингтондаги офиси директори Кевин Кассиди. Бу ҳақда «Spot» хабар берди.
«Ўзбекистон мажбурий меҳнатни йўқ қилиш билан боғлиқ қийинчиликларни бартараф этди ва кейинги босқич — барқарор иқтисодий тараққиётга эришишдир», — дея қайд этди Кассиди.
Унинг сўзларига кўра, музокаралар мавзусини мажбурий меҳнат муаммосидан савдо ва инвестиция муносабатларини кенгайтириш ҳамда Ўзбекистон фуқароларини иш билан таъминлаш масалаларига алмаштириш зарур.
Кассидининг фикрича, Ўзбекистондаги кенг кўламли хусусийлаштириш жараёни, Америка компанияларининг иштирокини кенгайтириши, Cotton Campaign халқаро коалициясининг «пахта бойкоти»га номутаносиблигини яна бир бор тасдиқлайди.
Қўшма Штатлар март ойининг охирида Ўзбекистон пахтасини сотиб олишга кўп йиллик тақиқни бекор қилди. Бу ҳар қандай АҚШ давлат идорасига ўзбек пахтасини сертификатлашни талаб қилмасдан олиш имконини беради.
Бундан ташқари, АҚШнинг Меҳнат Департаменти вакилларининг сўзларига кўра, ўзбек пахтасини ушбу рўйхатдан олиб ташлаш хусусий Америка компаниялари ўзларининг ишбилармон обрўсини таҳқирланишидан қўрқмасдан Ўзбекистондан етказиб берувчилар билан ишбилармон алоқаларга киришиш имкониятини беради.
Аммо ўзбек пахтаси Cotton Campaign’ни халқаро коалицияни ташкил этувчи бошқа «қора рўйхат»да қолмоқда. Улар Ўзбекистонда бойкотни бекор қилиш ҳали эрта эканлигини билдирган, сабаби Ўзбекистонда мажбурий меҳнат ҳали ҳам борлигидир.
Ўзбекистон пахтасини «бойкот» қилиш ва сотиш занжирларидан чиқариб ташлашга розилик берган аниқ брендларнинг рўйхати бор. Ушбу рўйхат мунтазам кенгаймоқда — агар январда 310 та компания бўлса, бугун улар 313 тани ташкил қилади.
Ўзбекистон пахтасини бойкот қилаётганлар орасида Adidas, Amazon, Burberry, Disney, Forever 21, Gap, Gucci, Ikea, Lacoste, Nike, Puma, Uniqlo, Zara ва бошқа кўплаб машҳур брендлар бор.
Изоҳ (0)