ИИВ Жазони ижро этиш бош бошқармаси Боровский коллежи ўқувчиси Жасурбек Иброҳимовнинг ўлими иши бўйича 2017 йил кузида судланган унинг коллеждоши — Исломбек Тўлаганов муддатидан аввал озодликка чиқарилгани юзасидан расмий ахборот берди.
Хабарда айтилишича, Ўзбекистон ЖКга кўра, барча маҳкумлар жазони ижро этиш муассасаларида жазо муддатини қонунда белгиланган тартибда амалга оширади. Шунингдек, меҳнатга нисбатан кўнгилли муносабатда бўлган маҳкумларга нисбатан инсонпарварлик ҳаракатлари қўлланилиб, жазони енгилроқ шаклига алмаштирилиши ҳамда шартли равишда муддатидан аввал озод этилиши мумкин.
Суд томонидан кўриб чиқилаётган даврда Исломбек Тўлаганов жазони ўташ муддати давомида колонияда тузилган режимни бузмаганлиги ва меҳнатга нисбатан кўнгилли муносабатда бўлгани эътиборга олинган.
Жиноят ишлари бўйича Навоий шаҳри суди томонидан 2018 йилнинг 20 декабрь куни Исломбек Тўлагановнинг жазонинг ўтамаган қисми 4 йил-у 5 ой 15 кун давомида ахлоқ тузатиш ишлари ва иш ҳақининг давлат ҳисобига 20 фоизи ушланиб қолишга алмаштирилган.
Қайд этилишича, айни пайтда Исломбек Тўлаганов жазони Тошкент шаҳрининг Мирзо Улуғбек тумани Пробация хизмати назорати остида ўтамоқда.
Изоҳ (0)