Бугун, 11 апрель куни соат тахминан 11:30 ларда Тошкент вилояти Оҳангарон туманидан ўтувчи A373 «Тошкент — Ўш» автомобиль йўлининг 26-километрида Nexia автомобили бошқарувида бўлган, 1978 йилда туғилган наманганлик Ғ.М. Намангандан Тошкентга келаётиб, шу йўналишда олдинда яна бир Nexia’ни бошқариб бораётган 1996 йили туғилган Тошкент вилоятида яшовчи Н.А. автоуловининг орқа ён қисмига бориб урилади. Бу ҳақда Тошкент вилояти ЙҲХБ «Дарё»га маълум қилди.
Автоҳалокат натижасида олдинда ҳаракатланиб кетаётган Nexia автомобили ҳайдовчиси рул бошқарувини йўқотиб, қатнов қисмини иккига ажратиб турувчи темир тўсиққа бориб урилган.
Оқибатда, автомобиль ичида бўлган йўловчилар – 2000 йилда туғилган А.О. ва М.У. олган тан жароҳатлари туфайли воқеа жойида вафот этган.
Ҳозирда мудҳиш воқеа юзасидан дастлабки суриштирув ва тергов ишлари олиб борилмоқда.
Изоҳ (0)