Акциядорлик инновация тижорат Ipak Yo‘li банкининг Visa ва UnionPay карта эгалари энди ўз халқаро карталарини мустақил равишда банкоматлар орқали 24/7 режимида тўлдириш имкониятига эга бўлдилар.
Эндиликда халқаро карта эгалари уларни истаган пайтларида Ipak Yo‘li банкининг халқаро карталарга хизмат кўрсатувчи банкоматларида тўлдиришлари мумкин.
«Ушбу қарорни қабул қилиш жуда ҳам долзарб эди, негаки авваллари халқаро карталарни тўлдириш учун иш кунлари соат 09:00 дан 17:00 гача ишловчи банк офисларига бориш шарт эди, – дейди Ipak Yo‘li банкининг чакана бизнесни ривожлантириш бошқармаси бошлиғининг ўринбосари Темурбек Баҳромов. – Картани тўлдириш тартиби жуда осон: аввало картани банкоматга жойлаб, менюда «Картани тўлдириш» вазифасини танлаш керак, кейин эса нақд пулни купюра қабул қилувчига солиш керак. Беш дақиқадан сўнг ушбу маблағ картангизда фойдаланишга тайёр бўлади».
Эслатиб ўтамиз, Ipak Yo‘li бир ҳисобга боғланган иккита карта тақдим этади. Бу дегани, ягона ҳисобни ҳам Visa, ҳам UnionPay карталари орқали тўлдириш мумкин.
Visa карталарига қайси банкоматлар хизмат кўрсатиши ва улар қаерда жойлашгани ҳақидаги маълумотни t.me/ipakyuliofficialbot Telegram-боти орқали билиб олишингиз мумкин.
Реклама ҳуқуқи асосида
Изоҳ (0)