«Микрокредитбанк» раҳбари ўзи ўқиган мактабга китоб совға қилди

«Агар ёлғиз эсанг, ҳамдам китобдур,

Билим субҳидаги нур ҳам китобдур».

Худди шу каби — китоб ва унинг фазилатлари улуғланган иборалар бугунги кунда мамлакат бўйлаб кўп бор такрорланмоқда.

Маълумки, жорий йилнинг 19 март куни ўтган видеоселектор йиғилишида президент Шавкат Мирзиёевнинг мактабларга китоб совға қилиш тўғрисидаги ташаббуси мамлакат бўйлаб кенг қўллаб-қувватланмоқда.

Қашқадарё вилояти Қамаши туманидаги 17-сонли умумий ўрта таълим мактабда барча билимлар манбайи ҳисобланмиш китоб тўғрисида маърифий тадбир бўлиб ўтди.

Мушоиралар эса самимий дил изҳорлари янграган адабий кечага айланиб кетди.

Мазкур тадбирда ушбу мактабда таълим олган «Микрокредитбанк» АТБ бошқаруви раиси О.П.Алмарданов 100 дан ортиқ бадиий ва ўқув адабиётларини ўқувчиларга туҳфа қилди.

Эслатиб ўтамиз, аввалроқ айнан «Микрокредитбанк» жамоаси томонидан пойтахтимиздаги А.Хлебушкина номли 22-сонли меҳрибонлик уйига китоблар туҳфа қилингани ҳақида хабар қилган эдик.

Реклама ҳуқуқи асосида.