Бугунги ахборот технологияларини жадал ривожлантириш шароитида банкларнинг дастурий-техник таъминотига қўйиладиган талаблар тобора ошиб бормоқда.
«Ўзсаноатқурилишбанк» томонидан ушбу давр талаблари ҳисобга олинган ҳолда Mastercard, Visa, UnionPay International ва ЖCБ каби халқаро тўлов тизимлари пластик карталарини муомалага чиқариш ҳамда улар асосидаги хизматларни сифатли ташкил этиш мақсадида муассаса IT-инфратузилмасини модернизация қилиш ишлари бошланди.
Бу борада шерик сифатида нақдсиз ҳисоб-китоблар соҳасида автоматлаштирилган тизимни барпо этиш бўйича етакчи халқаро компаниялардан бири «OpenWay Group» (Бельгия) танланди.
«OpenWay Group» компанияси билан ҳамкорлик банкка ўз банк платформасини такомиллаштириш, унинг ишончлилиги, хавфсизлиги, тезкорлиги ва унумдорлигини ошириш имконини беради. Мижозларига эса банк хизматларидан исталган жойда ва исталган вақтда фойдаланишига кўмаклашади.
«OpenWay Group» компаниясининг кўп йиллик тажрибаси республиканинг бошқа процессинг марказлари ва банклари ўртасида банклараро свитчингни ташкил этиш имконини беради.
WAY4 ечими остидаги хизматлар базасида банкка ва банк процессинг марказида хизмат кўрсатилаётган банк-ҳамкорларга контактсиз тўлов, виртуал карта, халқаро кредит карта ва тўловни узайтириб тўлаш картасини чиқариш, 3D Secure асосида электрон тижорат каби янги маҳсулот ва хизматларни жорий этиш имконини берувчи лойиҳаларни амалга ошириш режалаштирилмоқда.
Реклама ҳуқуқи асосида.
Изоҳ (0)