Россиянинг разведка самолёти АҚШ ҳарбий базаси устида аниқланди

Россиядаги авиация космик кучларининг Ту-154М ЛK-1 самолёти очиқ осмонга оид халқаро келишув доирасида АҚШнинг ғарбидаги стратегик ҳарбий база ва объектларини кузатди, дея хабар беради «ForumDaily».

Калифорния штатининг Травис шаҳрида ёқилғи қуйиш учун тўхтаган фотографик ва радиолокацион ускуналари билан жиҳозланган самолёт камида саккиз соат Калифорния ва Невада штатининг ёпиқ ҳудудларида парвоз қилган.

Хусусан, Калифорнияда Россиянинг ҳарбий самолёти Эдвардс авиабазаси, 42-АҚШ ҳарбий ҳаво кучлари заводи, АҚШнинг ер ости ракета мудофааси тизимлари жойлашган Сан-Диего ва Ванденберг базасини кузатган.

Шу билан бирга самолёт парвозни тўрт минг метр баландликда амалга оширган.

Очиқ осмон шартномаси доирасида АҚШ ҳарбий Ҳаво кучларининг Boeing ОC-135Б самолёти февраль ойининг охири ва март ойининг бошида Сибир ва Узоқ Шарқ устидан бир қатор кузатув рейсларини амалга оширган. АҚШ ҳарбий самолёти Россиянинг ҳудуди бўйлаб миссияни амалга ошириш учун Япониянинг ҳаво базасидан учиб кетди. Кейин у россиялик кузатувчиларни жалб қилиш учун Хабаровскда қўниш амалга оширди.