Rossiyadagi aviatsiya kosmik kuchlarining Tu-154M LK-1 samolyoti ochiq osmonga oid xalqaro kelishuv doirasida AQShning g‘arbidagi strategik harbiy baza va obyektlarini kuzatdi, deya xabar beradi “ForumDaily”.
Kaliforniya shtatining Travis shahrida yoqilg‘i quyish uchun to‘xtagan fotografik va radiolokatsion uskunalari bilan jihozlangan samolyot kamida sakkiz soat Kaliforniya va Nevada shtatining yopiq hududlarida parvoz qilgan.
Xususan, Kaliforniyada Rossiyaning harbiy samolyoti Edvards aviabazasi, 42-AQSh harbiy havo kuchlari zavodi, AQShning yer osti raketa mudofaasi tizimlari joylashgan San-Diyego va Vandenberg bazasini kuzatgan.
Shu bilan birga samolyot parvozni to‘rt ming metr balandlikda amalga oshirgan.
Ochiq osmon shartnomasi doirasida AQSh harbiy Havo kuchlarining Boeing OC-135B samolyoti fevral oyining oxiri va mart oyining boshida Sibir va Uzoq Sharq ustidan bir qator kuzatuv reyslarini amalga oshirgan. AQSh harbiy samolyoti Rossiyaning hududi bo‘ylab missiyani amalga oshirish uchun Yaponiyaning havo bazasidan uchib ketdi. Keyin u rossiyalik kuzatuvchilarni jalb qilish uchun Xabarovskda qo‘nish amalga oshirdi.
Izoh (0)