Саакашвили Грузия яқинда дунё харитасидан йўқолиб кетишини айтди

Грузиянинг собиқ президенти, Украинанинг Одесса вилояти собиқ губернатори Михаил Саакашвили, агар мамлакатда ҳокимият ўзгармаса, Грузия дунё харитасидан йўқолиб кетиши мумкинлигини айтди. Бу ҳақда «Газета.ru» хабар берди.

«Бир-икки йилдан кейин Грузия дунё харитасидан бутунлай йўқолиб кетади», — деган у.

Саакашвилининг қўшимча қилишича, «барча маълумотлар» шундай бўлишини кўрсатмоқда. Шунингдек, мамлакат иқтисодиёти ўсмаётганини, мигрантлар сони эса миллион кишига кўпайганини таъкидлаган.

«Биз биринчи рақамли ислоҳотчи мамлакат эдик. Ҳозир эса ҳеч қаерда йўқмиз, бу ҳақиқат», — деб сўзларини тугатган Саакашвили.