Rossiya hukumati barcha psixonevrologik internatdagi bemorlar ahvolini baholash maqsadida tekshiruv o‘tkazishga qaror qildi. Bu haqda Meduza xabar berdi.
Tekshiruvda psixiatr shifokorlar, ijtimoiy soha xodimlari va mansabdor shaxslar ishtirok etadi. Ular muayyan bemorlarga uyda hamrohlikda yoki vasiylikka olgan oila qaramog‘ida yashash texnologiyasini qo‘llash mumkinligini aniqlashi lozim.
Tekshiruv ishlari to‘rt oy davomida o‘tkaziladi. Uning qachon boshlanishi noma’lum.
Rossiya mehnat vazirligi rahbari Maksim Topilning so‘zlariga ko‘ra, qariyb 40—45 foiz bemorlar hamrohlikda yashashga chiqarilishi mumkin, biroq buning uchun juda katta tayyorlov ishlari lozim.
“Bu juda og‘ir ish, lekin biz buni uddalaymiz, — degan Tatyana Golikova ijtimoiy sohada vasiylik masalasi yuzasidan Rossiya hukumati Kengashi yig‘ilishida.
Izoh (0)