Бугун,

  • USD 11095.31
  • RUB 173.84
  • EUR 10772.44

30 март, шанба куни футбол бўйича Англия премьер лигасининг 32-тури доирасида дастлабки 7 та баҳс бўлиб ўтади.

Фото: Sky Sports

Фото: Sky Sports

Турнинг дастлабки учрашувида Хосеп Гвардиола қўл остидаги «Манчестер Сити» клуби сафарда «Фулҳэм»ни синовдан ўтказади. Ўйин Тошкент вақти билан соат 17:30 да бошланади. Маълумот учун, «шаҳарликлар» айни дамда мусобақа жадвалида 74 очко жамғарган ҳолда 2-ўринда бормоқда.

Шу куни Оле-Гуннар Сульшер бошлиқ Манчестернинг бошқа бир клуби «Юнайтед» «Олд Траффорд»да «Уотфорд» билан баҳсга киришади. Беллашув соат 20:00 да бошланиши белгиланган. Эслатиб ўтамиз, «манкунианлар» Англия Кубогининг 1/4 финалида «Вулверҳэмптон»га 0:2 ҳисобида мағлуб бўлиб, мусобақани тарк этганди.

31 март, якшанба куни мусобақа жадвалида 6-поғонада бораётган Лондоннинг «Челси» клуби меҳмонда «Кардифф Сити»га қарши майдонга тушади. Учрашув соат 19:05 да старт олади. Таъкидлаш жоиз, «Аристократлар» сўнгги турда «Эвертон»га 0:2 ҳисобида ютқазганди.

Турнинг марказий ўйинида мусобақа жадвалидаги етакчиликни ўз қўлига олган «Ливерпуль» жамоаси ўз майдонида Лондоннинг бошқа бир клуби «Тоттенҳэм» билан жанг қилади. Беллашув 21:30 да бошланади. Маълумот учун, «мерсисайдликлар» 76 очко тўплаган ҳолда мусобақа жадвалида биринчи ўринга кўтарилиб олди. «Шпорлар» ҳисобида эса 61 очко мавжуд ва клуб 3-поғонада бормоқда.

1 апрель, душанба куни турнинг сўнгги ўйини «Эмирейтс» стадионида бўлиб ўтади. Унда Унаи Эмери бошқарувидаги «Арсенал» клуби «Ньюкасл» билан тўқнаш келади. Баҳсга 2 апрелга ўтар кечаси соат 01:00 да старт берилади. Эслатиб ўтамиз, «тўпчилар» 14 март куни бўлиб ўтган Европа Лигаси 1/8 финалининг жавоб учрашувида Франциянинг «Ренн» клубини йирик ҳисобда мағлуб этганди (3:0).

АПЛ

32-тур баҳслари

30 март, шанба

«Фулҳэм»—«Манчестер Сити» 17:30

«Лестер»—«Борнмут» 20:00

«Кристал Пэлас»—«Ҳаддерсфилд» 20:00

«Бёрнли»—«Вулверҳэмптон» 20:00

«Манчестер Юнайтед»—«Уотфорд» 20:00

«Брайтон»—«Саутҳэмптон» 20:00

«Вест Ҳэм»—«Эвертон» 22:30

31 март, якшанба

«Кардифф Сити»—«Челси» 19:05

«Ливерпуль»—«Тоттенҳэм» 21:30

1 апрель, душанба

«Арсенал»—«Ньюкасл» 01:00

Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!

Изоҳ
Асосий янгиликлар
Дунё
Россияда “Сарой тўнтаришлари”нинг бошланиши, парвоз вақтида портлаб кетган “Челленжер” ва генерал Власовнинг хоинлиги. Кун хронологиясида 28 январь
Маҳаллий
Ўзбекистонда Италиянинг аграр соҳага оид университетлари филиаллари очилади
Маҳаллий
Ўзбекистон ва Қирғизистон фуқаролари икки давлатга ID карта орқали ўтиши мумкин бўлади