Ўзбекистон ички ишлар вазирининг ўринбосарлари томонидан 31 март куни ҳудудларда оммавий сайёр қабуллар ўтказилади. Бу ҳақда вазирлик матбуот хизмати хабар бермоқда.
Хабар беришларича, ички ишлар вазири ўринбосари, полковник Акромхон Бобохонов 31 март куни соат 10:00 дан 18:00 га қадар Андижон вилоятининг Хўжаобод тумани ҳокимлиги биносида Хўжаобод, Булоқбоши, Қўрғонтепа туманлари ва Хонобод шаҳри аҳолиси иштирокида оммавий сайёр қабул ўтказади.
Шу куни ички ишлар вазирининг бошқа бир ўринбосари, полковник Муҳиддин Жўраев соат 10:00 дан 18:00 га қадар Самарқанд вилоятининг Каттақўрғон шаҳри «Мажидий» театри биносида Каттақўрғон шаҳри, Каттақўрғон, Нуробод, Қўшработ, Иштихон, Нарпай ва Пахтачи туманлари аҳолиси иштирокида оммавий сайёр қабул ўтказади.
«Республиканинг бошқа ҳудудларида ўтказилиши режалаштирилган оммавий сайёр қабул кунлари ҳақида сайтимиз ва Telegram-каналимиз орқали хабар бериб борамиз», — дейилади вазирлик ахборотида.
Изоҳ (0)