Бугун,

  • USD 11095.31
  • RUB 173.84
  • EUR 10772.44

Бугун, 28 март куни Ўзбекистон ахборот ва оммавий коммуникациялар агентлигида «Мева-сабзавот маҳсулотлари экспортини амалга ошириш масалалари» мавзусидаги матбуот анжумани бўлиб ўтди. Бу ҳақда «Дарё» мухбири Севара Нишонова хабар берди.

Фото: Google Images

Фото: Google Images

Анжуманда «Ўзозиқовқацаноатхолдинг», «Ўзагроэксперт» компаниялари раҳбарлари, Инвестициялар ва ташқи савдо ҳамда Қишлоқ хўжалиги вазирликлари, Давлат божхона қўмитаси, Ўсимликлар карантини давлат инспекцияси масъуллари иштирок этиб, озиқ-овқат хавфсизлигини таъминлаш ва мева-сабзавотлар экспорти масалаларида амалга оширилаётган ишлар ҳақида ахборот берди.

 

«Ўзагроэкспорт» АЖ хорижий ҳамкорлар билан бевосита экспорт шартномалари асосида янги ва қайта ишланган мева ва сабзавот экспортини амалга оширади. Шунингдек, фермер ва деҳқон хўжаликлари, агрофирмалар ва қайта ишлаш корхоналари билан тузилган комиссия шартномалари асосида ишлайди. «Ўзагроэкспорт» АЖнинг асосий фаолияти мамлакатда етиштирилган янги ва қайта ишланган мева-сабзавотларнинг экспорт ҳажми, тури ва географиясини кўпайтирган ҳолда жаҳон бозорларида рақобатга киришишдир. Бугунги кунда компания хорижий мамлакатларда 20 та савдо уйларини ташкил этди.

2016—2017 йиллар мобайнида экспорт ҳажми 525,95 миллион долларга тенг бўлган бўлса, 2018 йилда экспорт 103,0 миллион АҚШ долларини ташкил этди.

«Ўзагроэкспорт» томонидан экспорт географиясини кенгайтириш борасида янги бозорлар мунтазам ўрганилмоқда. UzAgro бренди яратилиши экспорт ҳажмининг янада ошишига туртки бўлди. Айни пайтда ушбу бренд остида Ўзбекистонда етиштирилган янги ва қайта ишланган мева-сабзавотлар Хитой, Корея, Европа, Араб мамлакатлари ва Магнит, Х5, Мария-Ра сингари йирик савдо тармоқларига экспорт қилинмоқда.

Компания молиявий барқарорликни таъминлаш мақсадида воситачиларсиз, асосан тўғридан-тўғри экспорт шартномалари асосида фаолият юритади. Мазкур йилда ҳам «Ўзагроэкспорт» UzAgro бренди остида Россия, МДҲ давлатлари Хитой, Корея, Ҳиндистон, Таиланд, Европа ва Араб давлатларига янги ва қайта ишланган мева-сабзавот маҳсулотлари экспортини амалга оширишни режалаштирилган.

Жорий йилда 2,2 миллион тонналик, қиймати 1,55 миллиард АҚШ долларини ташкил этувчи мева-сабзавот экспорти амалга ошириш режалаштирилган.

Изоҳ
Асосий янгиликлар
Маҳаллий
“Тез ёрдам машинаси 5 йилда икки бараварга кўпайди, битта чақирув дориси 640 сўмдан 7,5 минг сўмга ошди”. “Дарё” тиббиётдаги ўзгаришларни Наманган вилояти мисолида...
Спорт
Бундеслига. “Боруссия Д” ўз майдонида рақибини тор-мор этди 
Шоу-бизнес
Instagram: Аэропортда дабдаба билан кутиб олинган Liil Хуррамов, қўшиқ куйлаган Абдуҳошим Исмоилов, янги раққосаларни кашф этаётган Юлдуз Усмонова