Минглаб йўловчилари билан чўкиб кетишига оз қолган круиз лайнери уларни янги саёҳатга таклиф қилди

Норвегия қирғоқлари яқинида кучли бўрон оқибатида ҳалокатга учраган ва чўкиб кетишига бир баҳя қолган Viking Sky круиз лайнери, ўз йўловчиларига чипта учун сарфланган пулни қайтариб беради ва янги круизга таклиф қилади, дея хабар беради «Газета.ru».

Бундан ташқари, лайнер эгаси бўлган Viking компанияси барча жабрланган йўловчиларни уйларига жўнатиш сарф-харажатларини ўз зиммасига олишга ваъда берди.

Ҳозирча, круиз лайнери йўловчиларидан бирортаси компанияга нисбатан даъво қилиш нияти бор-йўқлиги маълум эмас.