«Мисс Москва» унвонидан маҳрум этилган қиз гўзаллик танловларида қатнашмаслик ҳақида огоҳлантирди

«Мисс Москва» унвонидан маҳрум этилган Алеся Семеренко қизларни гўзаллик танловларида қатнашмасликка чақирди. Бу ҳақда «РИА Новости» хабар берди.

«Мамлакатимизда гўзаллик танловлари ғолибларига бўлган муносабат мени ҳайрон қолдиради. Қизиқ, агар танловларда ютган қизларни ёқтирмасангиз, балки уларни умуман ўтказмаслик керакдир? Агар ғолиб бўлган қиз масхаралаш ва ғийбат объекти бўлса, «Мисс Россия», «Мисс Москва» каби баландпарвоз номларнинг нима кераги бор? Йирик танловларда иштирок этиш нияти бўлган қизларга маслаҳатим, шунга тайёрлигингизни ўттизинчи мартда ўйлаб кўринг», — деб ёзган Алеся Семеренко ўзининг Instagram’даги саҳифасида.

Шунингдек, танловда ғолиб бўлиш нафақат байрам, балки синов ҳам эканлигини таъкидлаган. Унинг айтишича, шу вақт давомида у яна ҳам кучли бўлган.

21 март куни «Мисс Москва» Алеся Семеренко танлов тарихида илк бор ўз унвонидан маҳрум қилинган. Ташкилотчиларининг айтишича, бунга шартномада белгиланган қоидаларга риоя қилмагани ва танлов ғолиблари иштирок этиши шарт бўлган тадбирларга бормагани сабаб бўлган.