Самарқанд давлат университетида олий ва 1-тоифага даъвогар ўқитувчилар учун малака синовлари — тестлар бўлиб ўтмоқда. Бу ҳақда Zarnews хабар берди.
— Онлайн тарзда ташкил этилган жараёнда 2758 нафар ўқитувчи тоифа олиш ва уни сақлаб қолиш учун курашиши режалаштирилган, — дейди Таълим сифатини назорат қилиш давлат инспекцияси вилоят ҳудудий бўлими бошлиғи Рустам Йўлдошев. —Ўқитувчилар синовларни адолатли ва шаффофлик билан ўтаётганига ишонч ҳосил қилиб, ўзлари тўплаган баллни бевосита жараённинг ўзида кузатиб боряпти.
Синовлар бир кунда тўрт сменада 100 тадан ўқитувчи иштирокида ўтказилмоқда. Дастлабки кун ўтказилган информатика, математика ва физика фанидан 454 нафар ўқитувчи тест топшириши керак эди. Бироқ, уларнинг 32 нафари синовларда қатнашмади ҳамда 4 нафари шпаргалкадан фойдалангани учун аттестациядан четлатилди ва тоифасидан айриладиган бўлди.
Изоҳ (0)